لنڊن – 19 آگسٽ (اي پي پي) لنڊن جي ڪنگز ڪاليج جي تحقيق ڪندڙن وارن ۾ موجود ڪيراٽين نالي پروٽين مان ڏندن جي حفاظت جو هڪ نئون ۽ بهتر طريقو دريافت ڪري ورتو آهي. پرڏيهي ميڊيا مطابق ”نيو اٽلس“ جي هڪ رپورٽ مطابق ڪنگز ڪاليج جي تحقيق ڪندڙ هڪ بهترين حل ڳوليو آهي. ڏندن کاءِ هڪ طاقتور علاج جي ڳولا ۾ تحقيق ڪندڙن جي ٽيم اڳ ۾ وارن مان ڪيراٽين ڪڍيو. ان تحقيق ۾ رڍ جو ان استعمال ڪيو ويو پر اهو ئي پروٽين انسانن سميت اڪثر جانورن جي وارن ۾ به موجود هوندو آهي. ڪيراٽين هڪ پروٽين آهي جيڪو نهن، چمڙي ۽ ڪجهه اندروني عضون ۾ به موجود هوندو آهي. اهو جسم کي ساخت فراهم ڪندو آهي ۽ ميڪينيڪل نقصان کان بچائيندو آهي. تحقيق ڪندڙن دريافت ڪيو ته ان ڪيراٽين تي ٻڏل ٽوٿ پيسٽ جڏهن ٿڪ سان ملي ٿو ته هڪ ڪرسٽل جهڙي ساخت ٺاهي ٿو. اها ساخت ڪيلشيم ۽ فاسفيٽ آئنز کي پاڻ ڏانهن ڇڪي ٿي جيڪا ڏندن کي محفوظ ۽ مرمت ڪرڻ لاءِ انامل جو ڪم ڪندي آهي. اها فلورائيڊ جي ڀيٽ ۾ ڏندن جي خراب ٿيڻ جي عمل کي آهسته ڪري سگهي ٿو. تحقيق ڪندڙن تجربن مان اهو به سمجهيو ته اهو ڪيراٽين وارو ٽوٿ پيسٽ ڏندن کي خراب ٿيڻ جي عمل کي مڪمل طور تي روڪڻ جي صلاحيت رکي ٿو.، ڪيراٽين تي ٻڌل ڏندن جو اهو علاج ڪيترائي ٻيا فائدا به فراهم ڪري ٿو.
