اسلام آباد – 29 جولاءِ (اي پي پي) وزيراعظم جي پرڏيهي معاملن واري صلاحڪار سرتاج عزيز چيو آهي ته پهرين جولاءِ 2011ع کان 30 جون 2016ع تائين 450 پاڪستاني مهاڻن کي ڀارت گرفتار ڪيو، 395 کي آزاد ڪرايو ويو آهي، انڊونيشيا جي پاڪستاني سفارتخاني ۾ 12 ماڻهن جو عملو موجود آهي، سينيٽ جي اجلاس ۾ سوالن جي وقفي دوران سينيٽر ڪرنل (ر) سيد طاهر حسين مشهدي جي سوال جي جواب ۾ پرڏيهي معاملن واري صلاحڪار سرتاج عزيز ٻڌايو ته پهرين جولاءِ 2011ع کان 30 جون 2016ع تائين ڀارتي عملدارن پاران 450 پاڪستاني مهاڻن کي گرفتار ڪيو ويو. انهن مهاڻن مان 395 ماهيگيرن کي آزاد ڪيو ويو آهي.
