ابو ظهبي -01 جنوري (اي پي پي) گڏيل عرب امارات ۾ جنوري لاءِ پيٽروليم مصنوعات جي گذريل مهيني (ڊسمبر ) جا اگهه برقرار رکڻ جو اعلان ڪيو آهي. پرڏيهي ميڊيا موجب فيول پرائيس ڪميٽي اعلان ڪيو آهي ته سپر 98 پيٽرول في لٽر 2.61 درهم في ليٽر، اسپيشل -95 پيٽرول 2.50درهم في ليٽر ۽ اي پلس 91 پيٽرول 2.43 درهم في ليٽر ۾ وڪرو ڪيو ويندو جيڪو گذريل مهيني به ان قيمت تي وڪرو ڪيو ويو هيو. اهڙي طرح ڊيزل 2.68 درهم في ليٽر ۾ وڪرو ڪئي ويندي. ياد رهي ته امارات جي فيول پرائيس ڪميٽي هر مهيني پيٽرول جي اگهن جو تعين عالمي مارڪيٽ ۾ تيل جي اگهن موجب ڪري ٿي.
