تهران-23 ڊسمبر (اي پي پي) ايراني پرڏيهي وزارت جي ترجمان اسماعيل باغائي چيو آهي امڪاني طور ايران- روس ايندڙ سال جنوري 2025ع جي وچ ڌاري جامع تعاون جي معاهدي تي صحيحون ڪري سگهن ٿا. پرڏيهي ميڊيا موجب هن پريس ڪانفرنس دوران ايران- روس حصيداري جي معاهدي تي صحيحن جي حوالي سان هڪ سوال جي جواب ۾ چيو ته هي معاهدو ايندڙ ٻه طرفي ميٽنگ ۾ ڪيو ويندو. ايراني ڪئلينڊر جو ڏهين مهيني جي آخر ۾ معاهدي تي صحيحون ڪيون وينديون. روسي صدر ولادي ميرپيوٽن 4 ڊسمبر تي چيو هو ته هو اميد ڪري ٿو ته ايراني صدر مسعود پيز شڪيان روس جي ايندڙ دؤري دوران ايران سان هڪ نئين معاهدي تي صحيحون ڪيون وينديون. ڪريملن ترجمان دمتري پيسڪوف موجب ان دؤري جي تاريخ اڃا طئي نه ڪئي وئي پر روس ۽ ايران جي جامع حصيداريءَ جي معاهدي تي صحيحن کي ملتوي ڪرڻ جو ڪو اِرادو ناهي.
