بيجنگ- 17 ڊسمبر(اي پي پي) چين چيو آهي ته عالمي تبديلين دوران روس جو ساٿ ڏينداسين. پرڏيهي ميڊيا مطابق چين جي پرڏيهي وزير وانگ يي عالمي صورتحال ۽ چيني سفارتڪاري تي هڪ ڪانفرنس ۾ چيو ته روس ۽ چين دنيا ۾ جاري تبديلين دوران هڪ ٻئي جو وڌيڪ ساٿ ڏيندا. هن چيو ته چين ۽ روس اعليٰ سطح جي اسٽريٽجڪ منصوبابندي کي برقرار رکندا. هڪ ٻئي کي مدد فراهم ڪندا. هن وڌيڪ چيو ته ٻئي ملڪ گڏيل طور تي عالمي اسٽريٽجڪ استحڪام جو دفاع ڪندا. هن چيو ته روس ۽ چين ڊگهي مدي واري پليٽ فارمز جهڙي گڏيل قومن، برڪس ۽ شنگهائي تعاون تنظيم سان گڏوگڏ علائقائي مسئلن تي ويجهن لاڳاپن ۽ هم آهنگي کي برقرار رکندا.
