ماسڪو _ 12 ڊسمبر (اي پي پي) روس چيو آهي ته اسان جي منجمد اثاثن جي آمدني مان يوڪرين لاءِ 20 ارب ڊالر مقرر ڪرڻ وارو آمريڪي فيصلو کليل چوري کانسواءِ ڪجهه ناهي. پرڏيهي خابرو اداري مطابق روسي پرڏيهي وزارت پنهنجي ويب سائيٽ تي پوسٽ ڪيل هڪ بيان ۾ چيو آهي ته آمريڪا جو اهو قدم ظاهر ڪري ٿو ته هو يوڪرين جي ڏيوالو نڪتل حڪومت جي حمايت لاءِ هڪ ٻئي رقم جاري ڪندو. وزارت وڌيڪ چيو ته روس وٽ پنهنجي دائري اختيار ۾ اولهه جي اثاثن جي گڏيل قبضي لاءِ گهڻا موقعا موجود آهن جيڪي ان صورت ۾ صنعتي صلاحيت کي وڌائڻ ۽ روسي علائقن ۾ بنيادي ڍانچي جي منصوبن کي انجام ڏيڻ لاءِ استعمال ڪيا ويندا
