بيجنگ-27 نومبر (اي پي پي) چين چيو آهي ته هيشه فلسطيني عوام جي جائز قومي حقن جي بحالي جي حمايت ڪنديسين. پرڏيهي ميڊيا موجب چين جي صدر شي جن پنگ چيو آهي ته چين فلسطيني عوام جي جائز قومي حقن جي بحالي لاءِ هميشه کان ان جو پر زور حامي رهيو آهي . فلسطيني عوام سان گڏ يڪجهتي جي عالمي ڏهاڙي جي موقعي تي گڏيل قومن جي اجلاس ۾ مبارڪباد جي پيغام ۾ شي جن پنگ به اهو نوٽ ڪيو ته چين هميشه اتحاد مضبوط بڻائڻ ۽ اندروني مفاهمت کي حاصل ڪرڻ لاءِ سمورن فلسطيني ڌرين جي حمايت ڪئي آهي. چين جي صدر شي جن پنگ چيو ته فلسطين جو مسئلو فلسطين لاءِ ضروري ڪم اهو آهي ته جنگ جي جلد کان جلد خاتمي لاءِ گڏيل قومن جي سلامتي ڪائونسل بابت قراردادن تي گڏيل ۽ بهتر طريقي سان عمل در آمد ڪيو وڃي. هن فلسطيني عوام سان يڪجهتي جي عالمي ڏهاڙي جي مناسبت سان گڏيل قومن جي اجلاس ۾ پنهنجي مبارڪباد واري پيغام ۾ چيو ته ٻه رياستي حل تي عمل در آمد ۽ فلسطين مسئلي جي سياسي حل کي هٿي ڏيڻ ئي واحد حل آهي.
