واشنگٽن _ 26 نومبر (اي پي پي) آمريڪي جج استغاثه طرفان ڊونلڊ ٽرمپ خلاف چونڊ بغاوت ڪيس کي خارج ڪرڻ جي درخواست منظور ڪري ورتي آهي جنهن ۾ اهو چيو ويو آهي ته انصاف کاتي جي پاليسي تحت صدر جي عهدي تي مقرر ڪنهن صدر خلاف ڪيس نٿو هلائي سگهجي. پرڏيهي ميڊيا مطابق جج تاني چٽڪن وڪيل جيڪ سمٿ طرفان نئين چونڊيل صدر خلاف ڪيس کي بنا ڪنهن تعصب جي خارج ڪرڻ جي درخواست تي اتفاق ڪيو. اهو ڪيس هاڻي 4 سالن بعد ڊونلڊ ٽرمپ جي وائيٽ هائوس ڇڏڻ تي ئي امڪاني طورتي بحال ڪري سگهجي ٿو. جج چيو ته ان موقعي تي ڪنهن تعصب کانسواءِ ڪيس جو خارج ڪرڻ هتي مناسب آهي ڇو ته صدر کي مليل ڇوٽ عارضي هوندي آهي جڏهن هو عهدو ڇڏيندو ته اها ڇوٽ ختم ٿي ويندي آهي.
