اسلام آباد – 25 – آڪٽوبر (اي پي پي) نائب وزيراعظم سينيٽر محمد اسحاق ڊار دولت مشترڪه جي حڪومتي سربراهن جي اجلاس جي موقعي تي ڏکڻ آفريقا جي عالمي لاڳاپن ۽ تعاون واري نائب وزير ايناٿانڊي موراڪا سان ملاقات ڪئي. پرڏيهي آفيس پاران جاري بيان موجب نائب وزيراعظم پاڪستان ۽ ڏکڻ آفريقا جي وچ ۾ وڌندڙ گڏيل لاڀائتي تعاون کي ساراهيو ۽ پاڪستان جي واپاري ۽ سيڙپڪاري لاڳاپن کي سگهه ڏيڻ جي خواهش جو اظهار ڪيو. نائب وزيراعظم محمد اسحاق ڊار ۽ نائب وزير موراڪا پاڪستان ۽ ڏکڻ آفريقا جي وچ ۾ قيادت جي سطح تي باقاعده شموليت ۽ ڳالهه ٻولهه جي ضرورت تي زور ڏنو. هن واپار ۾ تعاون کي وڌيڪ وڌائڻ تي اتفاق ڪيو.
