رياض – 2 سيٽمبر (اي پي پي )سعودي عرب جي عورت ڊاڪٽر احلام دهل ڪينسر خلاف جنگ ۾ عالمي ايوارڊ حاصل ڪيو آهي. اهو ايوارڊ حاصل ڪندڙن ۾ وچ اوڀر جي اها پهرين عرب عورت آهي. پرڏيهي چينل سان ڳالهائيندي ڊاڪٽر احلام دهل چيو ته کيس فخر آهي ته هوءَ سعودي عرب جي عورتن جي ڪيترين ئي ڪاميابين مان ڪجهه نئون شامل ڪرڻ ۾ ڪامياب ٿي وئي آهي . سندس چوڻ هو ته هن ڪينسر جي مريضن کي بهترين طبي سهولتون ڏيڻ لاءِ، عورتن جي عملي کي مريضن جي آرام کي يقيني بڻائڻ لاءِ تيار ڪيو. هن مريضن ۽ سندن خاندانن کي نفسياتي ۽ اخلاقي مدد فراهم ڪرڻ لاءِ ايسوسي ايشن (معڪ ) بابت پڻ ٻڌايو. مريضن کي خدمتن جي فراهمي ۽ کين ماهرن ويجهو آڻڻ لاءِ هڪ منفرد فني انفراسٽرڪچر تيار ڪرڻ تي ڌيان ڏنو آهي ته جيئن انهن پاران ڪيل سوالن جا جواب موثر ۽ تيز رفتاري سان ڏئي سگهجن. ڊاڪٽر احلام چيو ته اسٽرانگر ٽوگيڌر پروگرام مرض جي سڃاڻپ، مرحلي ۽ مرد هجي يا عورت ) مطابق خصوصي سپورٽ گروپ فراهم ڪرڻ جو خواهشمند آهي . اهو پروگرام علاج دوران ماهرن جي موجودگي سان انهن جي مدد ڪندو آهي ته جيئن مريض پنهنجي معمول واري زندگي ۾ واپس اچي سگهن. اي

متعلقہ مضامینمصنف کی طرف سے مزید