گڏيل قومون -22 جولاءِ (اي پي پي) گڏيل قومن چيو آهي ته وڌندڙ علائقائي ڇڪتاڻ ۾ يمن تي اسرائيلي حملن تي ڳڻتي آهي، انهن حملن ۾ مبينه طور تي 6 ماڻهو فوت ۽ 80 کان وڌيڪ زخمي ٿيا. عالمي اداري جي سيڪريٽري جنرل انتونيو گوتريس طرفان جاري بيان ۾ هن يمن جي بندرگاهه ويجهو شهر الحديده تي اسرائيل جي هوائي حملن تي رد عمل ظاهر ڪيو. ان حملي ۾ مبينه طور تي گهٽ ۾ گهٽ 6 ماڻهو مارجي ويا ۽ 80 کان وڌيڪ زخمي ٿي پيا. سيڪريٽري جنرل تڪرار ۾ شامل سمورين ڌرين کي تحمل کان ڪم وٺڻ جي اپيل ڪئي. هن چيو ته اسرائيل انهن حملن جي ذميواري قبول ڪئي آهي جيڪي ڇنڇر ڏينهن ڪيا ويا.
