اسلام آباد – 17 جولاءِ (اي پي پي) بينظير انڪم سپورٽ پروگرام جي چيئرپرسن ماروي ميمڻ چيو آهي ته عورتن کي معاشي طور تي بااختيار بڻائڻ ملڪ مان غربت جي خاتمي طرف اهم قدم آهي. اهڙن خيالن جو اظهار هن هنزه ۾ چيزمال جي تعاون سان بينظير انڪم سپورٽ پروگرام جي اهتمام هيٺ هٿ جي هنر جي نمائش کي خطاب ڪندي ڪيو. ان نمائش جو مقصد بينظير انڪم سپورٽ پروگرام جي مستحق عورتن کي انهن جي مصنوعات جي لاءِ موقعو فراهم ڪرڻ هو. ان موقعي تي ڳالهائيندي ماروي ميمڻ چيو ته بي آءِ ايس پي سماجي تحفظ جو پروگرام آهي، هي هڪ تاريخي قدم آهي جنهن سان غريب عورتن جي زندگي بدلجي ويندي.
