نيويارڪ – 18 اپريل (اي پي پي) آمريڪي ڪمپني گوگل اسرائيلي حڪومت سان معاهدي خلاف احتجاج تي پنهنجن 28 ملازمن کي برطرف ڪري ڇڏيو. آمريڪي رسالي بلوم برگ جي رپورٽ مطابق گوگل اسرائيلي حڪومت کي مصنوعي ذهانت ۽ ۽ ڪلاڊ سروسز فراهم ڪندڙ ملٽي نيشنل ڪمپني ايمازون سان هڪ ارب 20 ڪروڙ ڊالر جو معاهدو ڪيو جنهن خلاف گوگل جي ملازمن نيويارڪ سٽي، سياٽل ۽ ڪيليفورنيا ۾ ڪمپني جي آفيسن ۾ احتجاج ڪيو. ان جو موقف هو ته ڪمپني اسرائيل جي مدد ڪري فلسطين جي نسل ڪشي ڪري رهي آهي. ملازمن گوگل کان اسرائيل سان ڪيل ڄاڻايل معاهدي کي ختم ڪرڻ جو مطالبو پڻ ڪيو. گوگل انتظاميا طرفان ملازمن جي احتجاج کي ٻين ملازمن جي ڪم ۾ رڪاوٽ، ڪمپني جي پاليسين خلاف ۽ ناقابل قبول رويو قرار ڏنو ويو آهي ۽ ٻڌايو ويو آهي ته 28 ملازمن کي باقاعده جاچ کانپوءِ برطرف ڪيو ويو آهي. انتظاميا مطابق ملازمن جي احتجاج جي جاچ جاري رکي ويندي ۽ وڌيڪ ضروري قدم کنيا ويندا.
