مڪو شريف – 21 مارچ (اي پي پي) سعودي عرب ۾ الحرمين الشريفين اٿارٽي ۾ ديني معاملن جي سربراهه شيخ عبدالرحمان السديس تراويح ۽ قيام لاءِ هلندڙ سال مقرر ٿيل نون امامن جي اعزاز ۾ افطار جو اهتمام ڪيو. ايس پي اي مطابق مسجد الحرام ۾ نون امامن جي اعزاز ۾ افطار ۾ شاهي منظوري ذريعي تراويح ۽ قيام جي امامت لاءِ مقرر شيخ بدر الترڪي ۽ شيخ وليد الشمسان شرڪت ڪئي. افطار جي موقعي تي الحرمين الشريفين اٿارٽي ۾ ديني معاملن جي سربراهه چيو ته انتظاميا امامن جي مرتبي کي نمايان ڪرڻ جي منصوبي تي عمل ڪري رهي آهي جنهن جو مقصد عالمي سطح تي حرمين جا ديني هدف حاصل ڪرڻ ۽ زائرين جي تجربي کي بهتر بڻائڻ آهي. هن چيو ته منصوبي ذريعي الحرمين جي مغبت پيغام کي رمضان المبارڪ ۾ هٿي ڏيڻ ۾ امامن جو ڪردار وڌندو. ٻنهي امامن ديني معاملن جي سربراهه جو شڪريو ادا ڪندي چيو ته هو حرمين جي پيغام کي هٿي ڏيڻ لاءِ ڪوششون ڪري رهيا آهن.
