اسلام آباد – 14 جولاءِ (اي پي پي) پاڪستان چيو آهي ته ڪشمير مسئلي جو عالمي سطح تي تڪرار طور اعتراف ڪيو ويو آهي ۽ ڀارت ان کي اندروني مسئلو قرار ڏئي گڏيل قومن جي اداري جي سلامتي ڪائونسل جي ٺهراءَ جي خلاف ورزي ڪري رهيو آهي. پرڏيهي آفيس جي ترجمان نفيس ذڪريا هتي هفتيوار پريس بريفنگ ڏيندي چيو ته ڪشمير هڪ تڪرار آهي جنهن بابت سلامتي ڪائونسل ۾ ڪيترائي ٺهراءَ موجود آهن جن ۾ ان ڳالهه تي زور ڀريو ويو آهي ته ڪشمير مسئلي کي ڪشميرين جي راءِ شماري ذريعي نبيريو وڃي.
