رياض- 30 جنوري (اي پي پي) سعودي عرب اردن جي شام جي سرحد تي واقع آمريڪي فوجي اڏي تي دهشتگرد حملي جي مذمت ڪئي آهي. اردو نيوز مطابق پرڏيهي وزارت گذريل ڏينهن جاري ڪيل بيان ۾ ان عزم جو ورجاءُ ڪيو آهي ته سعودي عرب دهشتگردي، هر قسم جي انتهاپسندي ۽ دهشتگردي جي فنڊنگ جي ذريعن جي خاتمي لاءِ جاري عالمي ڪوششن جي حمايت ڪري ٿو ۽ هاڻي به ان موقف تي قائم آهي. واضح رهي ته ان حملي ۾ 03 آمريڪي فوجي مارجي ۽ 24 زخمي ٿيا آهن.
