لنڊن-18 ڊسمبر (اي پي پي) سعودي عرب ۽ برطانيه جي اعليٰ سطحي جوائنٽ اسٽيئرنگ ڪميٽيءَ جو اجلاس ٿيو جنهن ۾ دفاعي شعبي ۾ سهڪار وڌائڻ جي امڪانن جو جائزو ورتو ويو. سعودي خابرو اداري ايس پي اي مطابق گذريل ڏينهن لنڊن ۾ سعودي عرب ۽ برطانيه جي اعيٰ سطح جي جوائنٽ اسٽيئرنگ ڪميٽيءَ جي اجلاس جي صدارت سعودي دفاع واري وزير جي صلاحڪار انجنيئر طلال بن عبدالله العتيبي ۽ برطانوي وزارت ۾ صنعت، واپار ۽ اقتصادي سلامتي جي ڊائريڪٽر جنرل ايورل جوليف ڪئي. اجلاس ۾ ٻنهي ملڪن وچ ۾ دفاعي شعبي ۾ تاريخي ۽ اسٽريٽجڪ لاڳاپن جو جائزو، دفاعي تحقيق ۽ ترقي ۽ سعودي عرب جي ويزن 2030ع مطابق ٽيڪنالاجي منتقلي ۽ لوڪلائيزيشن جي شعبي ۾ اسٽريٽجڪ سهڪار جي پهلوئن تي غور ڪيو ويو. انجنيئر طلال العتيبي برطانوي دفاع واري وزارت جي هيڊ ڪاورٽر ۾ برطانيه جي دفاعي پيداوار واري وزير ۽ پارليامينٽ جي ميمبر جيمز ڪاٽليج به ملاقات ڪئي.
