گڏيل قومون_22 نومبر(اي پي پي)گڏيل قومن جي اداري يونيسيف خبردار ڪيو آهي ته غزه ۾ ٻارڻ ۽ پاڻي جي کوٽ سبب ڪيترائي مسئلا پيدا ٿي رهيا آهن جنهن جي نتيجي ۾ موذي بيماريون ڦهلجڻ جو خدشو آهي، يونيسيف جي ترجمان جيمز ايلڊر چيو آهي ته هن وقت غزه ۾ پاڻي جي شديد کوٽ واري صورتحال آهن. ممڪنه بيمارين سبب ٻارن جي متاثر ٿيڻ جو وڌيڪ خدشو آهي، غزه ۾ پاڻي جي کوٽ سبب گدلاڻ جي صفائي پڻ ناممڪن ٿي رهي آهي،پاڻي جي عدم دستيابي سبب هٿ ڌوئڻ جي سهولت پڻ ختم ٿي رهي آهي، يونيسيف وڌيڪ چيو آهي ته جيڪڏهن شهر جي صورتحال ساڳي رهي ته تمام گهڻيون موذي بيماريون ڦهلجنديون ۽ سڀ کان وڌيڪ متاثر ٻار ٿيندا.
