تل ابيب -09 آڪٽوبر (اي پي پي) اسرائيل جي وزيراعظم جي آفيس اعلان ڪيو آهي، ته وزيراعظم نيتن ياهو اڳوڻي فوجي ڪمانڊر گال هرش کي قيدين ۽ لاپته ماڻهن جي معاملن جو رابطاڪار مقرر ڪيو آهي. سعودي خابرو اداري مطابق اسرائيل جي وزيراعظم نيتن ياهو اڳوڻي فوجي ڪمانڊ گال هرش کي قيدين ۽ لاپته ماڻهن جي معاملن جو رابطا ڪار مقرر ڪري ڇڏيو آهي. ياد رهي ته گال هرش 2006ع جي ٻي لبنان جنگ دوران پنهنجي طرز عمل تي ٿيل تحقيقات جي ڪري فوج مان استعيفيٰ ڏني هئي. گال هرش کي پنهنجي ڪمانڊ هيٺ علائقي ۾ جنگ جي موقعي تي ٻن اسرائيلي فوجين جي اغوا ٿيڻ ۽ جنگ دوران قائداڻه انداز سبب شديد تنقيد کي منهن ڏيڻو پيو هو. 2015ع ۾ کيس ان وقت جي پوليس جي معاملن بابت چيف طور ڪم لاءِ نامزد ڪيو هو پر غيرقانوني ڪاروباري ڏيتي ليتي جي خدشن سبب سندس نامزدگي رد ڪئي وئي.
