اسلام آباد – 11 – سيپٽمبر (اي پي پي) ڊاڪٽر ڪوثر عبدالله ملڪ نگران وفاقي وزير جي حيثيت سان حلف کنيو، صدر ڊاڪٽر عارف علوي کانئس حلف ورتو. ڊاڪٽر ڪوثر عبدالله ملڪ جي بطور نگران وفاقي وزير حلف برداري جي سادي ۽ پروقار تقريب ايوان صدر ۾ ٿي جنهن ۾ اعليٰ آفيسرن ۽ عسڪري عملدارن شرڪت ڪئي. صدر ڊاڪٽر عارف علوي ڊاڪٽر ڪوثر عبدالله ملڪ کي 9 سيپٽمبر تي نگران وفاقي ڪابينا ۾ وفاقي وزير مقرر ڪيو هو. صدر ائين جي آرٽيڪل 224 (ون اي) تحت نگران وزيراعظم جي ايڊوائيس تي سندس مقرري ڪئي آهي.
