اسلام آباد – 02 – مارچ (اي پي پي) وزيراعظم عمران خان چيو آهي ته ايف بي آر اوڳاڙين جي فيبروري جي هدف کي ڪاميابي سان حاصل ڪيو آهي، ان دوران 441 ارب رپين جون ٽيڪس اوڳاڙيون وصول ڪيون ويون آهن. پنهنجي ٽوئيٽ ۾ وزيراعظم چيو ته ايف بي آر جي مجموعي ٽيڪس اوڳاڙين ۾ 28.5 سيڪڙو جڏهن ته ماهوار بنياد تي 30 سيڪڙو اضافو ٿيو آهي. هن چيو ته ايف بي آر جي ڪارڪردگي جي نتيجي ۾ اسان پيٽرول، ڊيزل ۽ بجلي تي سبسڊي ڏيڻ جي قابل ٿياسين جنهن سان ماڻهن کي ريليف فراهم ڪيو ويو آهي.
