اسلام آباد – 31 ڊسمبر (اي پي پي) وزيراعظم عمران خان جمعي تي اتر وزيرستان جي علائقي مير علي ۾ دهشتگردي جي خاتمي واري آپريشن دوران پاڪ فوج جي 4 جوانن جي شهادت تي افسوس جو اظهار ڪيو آهي. وزيراعظم دهشتگردي جي خاتمي لاءِ پاڪستان جي هٿياربند فوج جي خدمتن کي خراج تحسين پيش ڪيو. هن چيو ته ان جنگ ۾ پوري قوم متحد آهي، وزيراعظم عمران خان چيو ته بزدل دشمن جو بهادر قوم سان مقابلو آهي جيڪا هر مشڪل وقت ۾ ثابت قدم رهي آهي.
