اسلام آباد – 31 ڊسمبر (اي پي پي) ايوان صدر کي اڄ ڇنڇر تي عوام جي لاءِ کوليو ويندو، جمعي تي ايوان صدر جي پريس گئلري مان جاري بيان موجب ايوان صدر پبلڪ لاءِ پهرين جنوري 2022ع ڇنڇر تي منجهند جو هڪ کان شام 4 وڳي تائين کوليو پيو وڃي، فيس ماسڪ سڀني مهمانن/شهرين کي پائڻ لازمي آهي، شهرين کان ڪووڊ ويڪسينيشن سرٽيفڪيٽ چيڪ ڪيو ويندو، ڪنهن کي اليڪٽرانڪ ڊوائيس، موبائيل فون ۽ ڪئميرا آڻڻ جي اجازت نه هوندي، شهري ايوان صدر جي ڏکڻ گيٽ مان اندر داخل ٿي سگهندا.
