اسلام آباد – 18 سيپٽمبر (اي پي پي) اطلاعات ۽ نشريات واري وفاقي وزير فواد چوڌري چيو آهي ته مني بجيٽ ۾ امير تي ٽيڪس ۾ اضافو ڪيو ويو آهي، جڏهن ته عام ماڻهو کي ان ۾ رليف ڏنو ويو آهي، ٽيڪس ۾ اضافي جو عام ماڻهو تي اثر نه پوندو، مخالف ڌر جي مطالبي تي چونڊن ۾ ڌانڌلي جي حوالي سان پارلياماني ڪميٽي جوڙي وئي آهي مخالف ڌر کي پاڻ سمجهه ۾ نه پيو اچي ته ڌانڌلي ڪٿي ٿي آهي، پارلياماني ڪميٽي کي 1990ع جي عام چونڊن ۾ ڌانڌلي جي جاچ جو آغاز ڪرڻ گهرجي، پارليامينٽ هائوس ٻاهران ميڊيا سان ڳالهائيندي وفاقي وزير چيو ته ڀارت اسان سان گڏ ميچ ان لاءِ ناهي کيڏندو ڇا ڪاڻ جو ان کي خبر آهي ته ان جو ڇا حشر ٿيندو.