اسلام آباد – 13 مئي (اي پي پي) وزيراعظم جي قومي سلامتي بابت صلاحڪار ليفٽيننٽ جنرل (ر) ناصر خان جنجوعه چيو آهي ته پاڪستان دهشتگردي جي خلاف جنگ ۾ بي مثال قربانيون ڏئي ڪاميابيون حاصل ڪيون آهن، پاڪستان تي ڊبل گيم جو الزام لڳائڻ بدران عالمي برادري کي انهن قربانين جو اعتراف ڪرڻ گهرجي، پاڪستان، افغانستان جي سالميت، علائقائي خودمختياري جو احترام ڪري ٿو. هو اي پي پي جي اهتمام هيٺ خابرو ادارن جي وچ ۾ سهڪار جي فروغ لاءِ ”پاڪستان جي ميڊيا: موقعا ۽ چئلينجز“ جي عنوان سان ٻن ڏينهن واري ”انٽرنيشنل ڪانفرنس آف نيوز ايجنسيز“ (آءِ سي اين اي) ۾ شرڪت ڪندڙن سان عالمي ۽ علائقائي امن ۾ پاڪستان جي ڪردار جي حوالي سان خطاب ڪري رهيو هو.