اسلام آباد – پهرين اپريل (اي پي پي) صدر ممنون حسين بي آءِ ايس پي جي چيئرپرسن ماروي ميمڻ کي برطانوي پارليامينٽ جي اعليٰ ترين اعزاز جمهوريت بابت اسپيڪر ايوارڊ لاءِ چونڊجڻ تي مبارڪباد ڏني آهي. بي آءِ ايس پي جي چيئرپرسن ماروي ميمڻ صدر سان ايوان صدر ۾ ملاقات ڪري کيس پاڪستان کي ملندڙ ان اعزاز کان آگاهه ڪيو. صدر کيس مبارڪباد ڏيندي چيو ته ماروي ميمڻ غربت جي خاتمي لاءِ اڻٿڪ ڪم ڪري پاڪستان جو وقار بلند ڪيو جنهن تي آئون کيس شاباس ڏيان ٿو ۽ اميد ڪريان ٿو ته هو پنهنجي ڪم جي عالمي سطح تي پذيرائي کانپوءِ هاڻي هڪ نئين جذبي ۽ عزم سان ملڪ ۾ غربت جي خاتمي ۽ جمهوريت جي استحڪام لاءِ ڪم ڪندي.
