لاهور – 31 جولاءِ (اي پي پي) اطلاعات ۽ نشريات واري وفاقي وزير سينيٽر پرويز رشيد چيو آهي ته ڪشميرين کي خودمختياري جو حق دنيا جي قانون ۽ اخلاقيات ڏنو آهي جنهن کي ڪير به کسي نه ٿو سگهي. هو لاهور پريس ڪلب ۾ والاريل ڪشمير جي موجوده صورتحال تي ميڊيا جو ڪردار جي موضوع تي هڪ سيمينار کي خطاب ڪري رهيو هو. اطلاعات واري وزير چيو ته پاڪستان ۾ اسلام ۽ ڪشمير جي آزادي جو نعرو سدائين بلند رهيو تنهن هوندي به انهن ٻنهي نعرن جو مقصد حاصل ڪرڻ بدران سياست جي لاءِ استعمال ڪيو ويو، اهي نعرا حڪومتن کي ڪيرائڻ ۽ انهن جي جاءِ وٺڻ جي لاءِ بار بار استعمال ڪيا ويا.