اسلام آباد – 16 جولاءِ (اي پي پي) وزيراعظم محمد نواز شريف ڀائر ملڪ ترڪيءَ ۾ ناڪام بغاوت ذريعي جمهوريت کي نقصان پهچائڻ جي ڪوشش جي سخت مذمت ڪندي ان جي جمهوري ادارن جي ڀرپور حمايت جي عزم کي ورجايو آهي. وزيراعظم هائوس پاران جاري بيان ۾ وزيراعظم چيو ته اسان اونداهي جي قوتن ۽ بدامني جي مقابلي ۾ جمهوريت سان ڀرپور ڳانڍاپي ۽ حمايت تي ترڪ عوام جي بهادراڻي عزم کي ڀرپور ساراهيون ٿا. وزيراعظم ترڪيءَ ۾ بغاوت جي ناڪام ڪوشش بابت چيو ته اسان ترڪيءَ جي چونڊيل جمهوري حڪومت جي صدر رجب طيب اردوان ۽ ترڪ جمهوري ادارن جي مڪمل حمايت ۽ يڪجهتي جو اظهار ڪريون ٿا.
