انقره_ 31 مئي(اي پي پي) ترڪيه جو نئو ن چونڊيل صدر رجب طيب اردگان 3 جون تي ٽئين مدي لاءِ پنهنجي عهدي جو حلف کڻندو جڏهن ته نئين ڪابينه جو هڪ ڏينهن کانپوءِ حلف کڻڻ جو امڪان آهن، ميڊيا رپورٽن موجب نئون چونڊيل صدر ڇنڇر کان ٽيون ڀيرو پنهنجو صدارتي عهدو سنڀاليندو جڏهن ته ڪابينه ميمبر آچر تي پنهنجي عهدي جو حلف کڻندا جنهن کانپوءِ نئين حڪومت ڪم شروع ڪندي، حڪمران جسٽس اينڊ ڊيولپمنٽ پارٽي (اي ڪي پي ) جي ترجمان عمر چيلڪ ٻڌايو ته رجب طيب اردگان حلف کڻڻ کانپوءِ فوري طور تي نئين ڪابينه جو اعلان ڪري سگهي ٿو ، موجوده ڪابينه مان صرف ٽن وزيرن جي پنهنجي عهدن تي برقرار رهڻ جي اميد آهي جن ۾ پرڏيهي ، گهرو ۽ دفاع وارو وزير شامل آهن.
