اسلام آباد – 07 – فيبروري (اي پي پي) وزيراعظم محمد شهباز شريف جي هدايت تي ”ترڪيه زلزلي متاثرين بابت وزيراعظم ريليف فنڊ“ جي لاءِ اڪائونٽ قائم ڪرڻ جو باضابطا نوٽيفڪيشن جاري ڪيو ويو. وزيراعظم آفيس جي پريس ونگ پاران جاري بيان موجب ”ترڪيه زلزلي متاثرين بابت وزيراعظم ريليف فنڊ“ باضابطا طور تي قائم ڪيو ويو آهي. ترڪيه جي زلزلي متاثرين جي لاءِ وزيراعظم ريليف فنڊ ”جي – 12166“ قائم ڪرڻ جو نوٽيفڪيشن جاري ڪيو ويو. ڪنٽرولر جنرل آف اڪائونٽس آفيس نوٽيفڪيشن جاري ڪري ڇڏيو. وزيراعظم ڀائر ملڪ ترڪيه جي زلزلي متاثرين جي امداد لاءِ فنڊ ٺاهڻ جو اعلان ڪيو هو.