واشنگٽن -19 مارچ (اي پي پي) آمريڪا جي صدر جوبائيڊن سينيٽ پيٽرڪ ڊي ملهائڻ لاءِ وائيٽ هائوس ۾ ڪينيڊي خاندان جي 30 کان وڌيڪ ماڻهن جي دعوت ڪئي، جڏهن ته هن رابرٽ ايف ڪينيڊي جونيئر کي دعوت ڏيڻ کان انڪار ڪري ڇڏيو. رابرٽ ٽئين ڌر طور آمريڪي صدارتي اليڪشن وڙهڻ جو خواهشمند آهي. بائيڊن ايڪس تي لکيو ته اوهان سڀني جو وائيٽ هائوس اچڻ سٺو لڳو. واضح رهي ته سينٽ پيٽرڪ آئرلينڊ جو مذهبي سرپرست آهي، ان جي نالي تي هي دعوت هر سال 17 مارچ تي آئرلينڊ ۽ آمريڪا ۾ ملهائي ويندي آهي. رابرٽ ڪينيڊي هڪ سرگرم ڪارڪن ۽ وڪيل آهي، ڊيمو ڪريٽس خدشن جو اظهار ڪيو ته سندس نامزدگي سان نومبر ۾ بائيڊن جا ووٽ گهٽبا ۽ ان سان ٽرمپ کي ڪامياب ٿيڻ ۾ مدد ملندي. اميد آهي ته ڪينيڊي 26 مارچ تي پنهنجي نائب صدارتي اميدوار جو اعلان ڪندو.
