واشنگٽن -19 مارچ (اي پي پي) آمريڪا جي گادي واري شهر واشنگٽن ۾ هٿياربندن جي حملي ۾ 2 ماڻهو فوت ۽ 5 زخمي ٿي پيا آهن. اي ايف پي مطابق ميٽرو پوليٽن پوليس ڊپارٽمينٽ جي چيف جيفري ڪيرول ٻڌايو ته اتر اولهه واشنگٽن ۾ هٿياربندن حملو ڪيو. هن ٻڌايو ته 2 ماڻهو موقعي تي فوت ٿيا ويا جڏهن ته 5 زخمين کي اسپتال داخل ڪيو ويو. جيفري ڪيرول جو چوڻ هو ته شڪي شخص اڃا تائين گرفتار ناهي ٿيو. واشنگٽن ۾ گذريل قتل جي وارڌاتن جي ڀيٽ ۾ 35 سيڪڙو اضافو ٿيو آهي ۽ ڪار چوري جون وارڌاتون پڻ ٻيڻ تي وڌيون آهن.
