واشنگٽن -19 مارچ (اي پي پي)آمريڪي ميگيزين فوربز 100 طاقتور ترين عرب فيمليز جي واپارين جي فهرست جاري ڪري آهي جنهن ۾ سعودي ۽ امارتي ڪمپنيون سرفهرست آهن. اردو نيوز مطابق فهرست ۾ سعودي عرب جون 34، امارات جون 28 س قطر ، ڪويت جون 7-7 ڪمپنيون شامل آهن جيڪي مجموعي فهرست جو 76 سيڪڙو ڪمپنيون آهن. فهرست مطابق عرب دنيا ۾ فيمليز بزنسز ۾ سرفهرست سعودي عرب جو عبداللطيف جميل گروپ، ٻئي نمبر تي امارتن جو الفطيم گروپ جڏهن ته ٽئين نمبر تي مصر جو منصور گروپ آهي جيڪو ٽاپ 10 ڪمپنين ۾ شامل واحد ڪمپني آهي جيڪا نار فيملي جي ملڪيت ناهي. واضح رهي ته فوربز 100 عرب طاقتور ڪمپنين جي فهرست ۾ شامل ادارن جي درجه بندي سيڙپڪاري جي ڳاڻيٽي، ڪارڪردگي، گذريل سال دوران ڪاروباري سرگرمين، پراجيڪٽس جي ماليت، ڪمپني جي تاريخ ۽ مختلف سيڪٽرن ۽ ريجنز ۾ پکيڙ جي بنياد تي ڪئي آهي.
