ماسڪو -18 مارچ (اي پي پي) روس جي نئين چونڊيل صدر ولاديمير پيوٽن چيو آهي ته منهنجي چونڊ روس جي عوام جو مون تي اعتماد جو اظهار آهي، هي اولهه جي لاءِ پيغام آهي ته کين هڪ جرئتمند روس سان واسطو پوندو. اردو نيوز مطابق اها ڳالهه هن گذريل ڏينهن پنجون ڀيرو ملڪ جو صدر چونڊجڻ کان پوءِ گادي واري شهر ماسڪو ۾ پريس ڪانفرنس دوران چئي. ولاديمير پيوٽن چيو ته روس جو عوام سندس قيادت تي اعتماد جو اظهار ڪيو آهي، مان حمايت ۽ اعتماد لاءِ سڄي ملڪ جي عوام جو شڪريو ادا ڪيان ٿو. اي ايف پي مطابق ولاديمير پيوٽن 87.2 سيڪڙو ووٽ حاصل، سرڪاري نتيجن مان خبر پوي ٿي ته صدارتي چونڊن ۾ هي هڪ رڪارڊ فتح آهي جتي کيس حقيقي مقابلي کي منهن نه ڏيڻو پيو. هو ايندڙ 6 سالن لاءِ روس جو صدر هوندو.
