برسلز – 18 مارچ (اي پي پي) يورپي ڪميشن جي صدر ارسلاوون ڊيرلين غزه جي صورتحالت بابت خبردار ڪندي چيو آهي ته هتي ان وقت ڏڪار جو سامهون آهي جنهن کي منهن ڏيڻ لاءِ فوري جنگ بندي ضروري آهي. العربيه اردو مطابق اهڙن خيالن جو اظهار هن قاهره ۾ صدر السيسي سان اسٽريجٽڪ پارٽنر شپ جي معاهدي تي صحيحون ڪرڻ بعد ميڊيا سان ڳالهيون ڪندي ڪيو. هن چيو ته غزه ۾ ڏڪار سبب فوري جنگ بندي ضروري آهي. هن چيو ته ان وقت هڪ اهڙي جنگ بندي معاهدو ٿيڻ ضروري آهي جنهن جي نتيجي ۾ اسرائيلي يرغمالي آزادي ۽ غزه ۾ انساني بنيادن تي وڌيڪ امداد جي ترسيل ممڪن ٿي سگهي. ان موقعي تي صدر السيسي چيو ته مصر ۽ يورپي اڳواڻن رفح ۾ اسرائيل جي زميني حملي کي متفقه طور تي رد ڪري ڇڏيو آهي.
