روم – 15 مارچ (اي پي پي) اٽلي چيو آهي ته ان 7 آڪٽوبر کانپوءِ اسرائيل کي هٿيار فراهم ناهن ڪيا. روسي خابرو اداري تاس مطابق اطالوي دفاع واري وزير گويڊوڪرسيٽو گذريل ڏينهن پارليامنٽ ۾ چيو ته 7 آڪٽوبر کانپوءِ لاڳاپيل اداري طرفان اسرائيل کي هٿيارن جي منتقلي لاءِ ڪا نئي اجازت ناهي ملي، جنهن سبب اسرائيل کي هٿيارن جي فراهمي روڪي وئي آهي. جيڪي لائسنس 7 آڪٽوبر کان اڳ ڏنا ويا هئا انهن تي اڳ ۾ ئي عمل ڪيو ويو هو. . هن اهو به چيو ته هٿيارن جي جن کيپن جي اجازت ڏني وئي هئي پر ڄاڻايل تاريخ کان اڳ ان تي عمل نه ڪيو ويو هو، انهن جو ٻيهر جائزو ورتو ويو ته جيئن اهو يقيني بڻائي سگهجي ته لسٽ ۾ اهوڙو مواد ته موجود ناهي جيڪو جيڪڏهن استعمال ڪيو وڃي ته غزه جي شهرين کي متاثر ڪري سگهي.
