رياض – 08 مارچ (اي پي پي) سعودي عرب جي گهرو وزارت پهرين رمضان المبارڪ سرڪاري سروسز جي معطلي جي ضابطي تي عمل شروع ڪرڻ جو اعلان ڪري ڇڏيو. العربيا اردو مطابق سعودي گهرو وزارت طرفان جاري بيان ۾ چيو ويو آهي ته رمصان المبارڪ ۾ سرڪاري سروسز معطلي سان علاج، تعليم، ڪم، ڪمرشل رجسٽري شهري ۽ سڃاڻپ ڪاغذن جي دستاويز متاثر نه ٿينديون. وزارت چيو ته سروسز معطلي کي ريگوليٽ ڪرڻ جو مقصد ان ڳالهه کي يقيني بڻائڻ آهي ته جنهن شخص جون سروسز معطل ڪيون ويون آهن ان کي ڪو نقصان نه پهچندو. اهڙي طرح سروسز معطلي جي نتيجي ۾ انهن جي ڪفالت هيٺ ماڻهن يا ٻين کي نقصان نه پهچندو، سروسز معطلي رڳو قانوني دستاويز تي ٿي سگهندي.
