رياض _ 28 فيبروري (اي پي پي ) يوڪرين جي صدر ولاديمير زيلنڪسي سعودي عرب جي دوري تي رياض پهچي ويو . ولي عهد شهزاده محمد بن سلمان بن عبد العزيز سندس آجيان ڪئي . اردو نيوز مطابق سعودي عرب جي شهر رياض ۾ باضابط ملاقات ۾ ٻنهي اڳواڻن گڏيل دلچسپي جي معاملن تي خيالن جي ڏي وٺ ڪئي . ملاقات ۾ سعودي عرب ۽ يوڪرين وچ ۾ لاڳاپن کان علاوه يوڪريني ۽ روسي بحران جي حوالي سان ٿيندڙ اڳڀرائي تي به ڳالهيون ڪيون ويون . ولي عهد شهزاده محمد بن سلمان يوڪريني صدر کي يقين ڏياريو ته مملڪت طرفان بحران کي حل ڪرڻ، امن حاصل ڪرڻ کي يقيني بنائڻ لاءِ عالمي سطح تي ڪوشش جاري رکيون وينديون . يوڪريني صدر بحران جي حل جي حوالي سان سعودي عرب طرفان ڪيل ڪوششن کي ساراهيندي مملڪت جي اڳواڻ جو شڪريه ادا ڪيو .