رامالله -27 فيبروري (اي پي پي ) فلسطين جي وزيراعظم محمد اشتيه پنهنجي استعيفيٰ صدر محمود عباس کي پيش ڪرڻ کان پوءِ تحريڪ فتح واضح ڪيو آهي ته ايندڙ حڪومت غير جماعتي هوندي. تحريڪ فتح جي ترجمان عبدالفتاح دوله العربيه کي ٻڌايو ته جيڪڏهن اسرائيلي گهيرو جاري رهيو ته ڪا به حڪومت پنهنجو ڪردار ادا نه ڪري سگهندي. هن زور ڀريو ته ايندڙ مرحلو مشڪل آهي ۽ غزه پٽي ۾ ريليف فراهم ڪرڻ لاءِ قومي اتفاق راءِ جي ضرورت آهي .
