گڏيل قومون _ 27 فيبروري (اي پي پي ) گڏيل قومن جي جنرل اسيمبلي 2025 ع ۾ ورلڊ سوشل سمٽ گهرائڻ جي منظوري ڏئي ڇڏي آهي . شنوا مطابق گڏيل قومن جي جنرل اسيمبلي ۾ 2025 ع ۾ ورلڊ سوشل سمٽ گهرائڻ جي حوالي سان قرارداد پيش ڪئي وئي جنهن کي منظور ڪيو ويوآهي . قرارداد ۾ چيو ويو آهي ته ورلڊ سوشل سمٽ جو مقصد ڪوپن هيگن ڊيڪلريشن آن سوشل ڊويلپمنٽ ۽ پروگرام آف ايڪشن ۾ موجود خامين تي ڌيان ڏيڻ ۽ 2030ع جي ايجنڊا تي عمل درآمد کي بهتر ڪرڻ آهي . قرارداد ۾ گڏيل قومن جي جنرل اسيمبلي جي صدر کي درخواست ڪئي ته هو سهڪاري سهولتڪارن جي مقرري ڪري جنهن ۾ هڪ اسرندڙ ملڪن کان هجي ۽ هڪ اسريل ملڪ کان هجي ، ته جيئن سربراهي اجلاس تائين وڃڻ عالمي حڪومتي تياري جي عمل کي آسان بڻائي سگهجي. قراداد ۾ گڏيل قومن جي سيڪريٽري جنرل کي اها به درخواست ڪئي وئي ته هو سربراهي اجلاس جي عالمي حڪومتي تياري جي عمل ۾ موجود وسيلن اندر مناسب مدد فراهم ڪري .
