نگران وزيراعظم انوارالحق ڪاڪڙ پاران بنون ڊويزن ۾ 9 بهادر سپاهين جي شهادت ۽ ڪيترن ئي ماڻهن جي زخمي ٿيڻ جي واقعي تي افسوس جو اظهار

اسلام آباد – 31 – آگسٽ (اي پي پي) نگران وزيراعظم انوارالحق ڪاڪڙ خيبرپختونخواهه بنون ڊويزن ۾ دهشتگردي جي بزدلاڻي ڪارروائي ۾ 9 بهادر سپاهين جي شهادت ۽ ڪيترن ئي ماڻهن جي زخمي ٿيڻ جي واقعي تي افسوس جو اظهار ڪندي چيو آهي ته اهڙيون حرڪتون انتهائي مذمت جوڳيون آهن. پنهنجي ٽوئيٽ ۾ هن چيو ته سندس همدرديون شهيدن ۽ زخمين جي گهرڀاتين سان گڏ آهن. پاڪستان اهڙي دهشتگردي جي خلاف پرعزم آهي.