اسلام آباد – 25 جولاءِ(اي پي پي) ايشيائي ترقياتي بئنڪ چيو آهي ته ماحولياتي ۽ موسمياتي تبديلين جي اثرن کي منهن ڏيڻ ۽ موسمياتي لحاظ سان موزون بنيادي ڌانچي جي تعمير لاءِ ايشيا ۽ ماٺي سمنڊ جي خطي ۾ ساليانو 1.7 ٽريلين ڊالر سيڙپڪاري جي ضرورت آهي. اها ڳالهه ايشيائي ترقياتي بئنڪ طرفان موسمياتي لحاظ سان موزون بنيادي ڌانچي جي تعمير جي حوالي سان هڪ تازي رپورٽ ۾ چئي وئي آهي. رپورٽ ۾ ٻڌايو ويو آهي ته ايشيا ۽ ماٺي سمنڊ خطي جي ملڪن جي حڪومتن کي موسمياتي لحاظ سان موزون قدمن لاءِ گورننس ۽ مالياتي سڌارن جو سلسلو متعارف ڪرڻو هوندو. ان رپورٽ ۾ ٻڌايو ويو ته ايشيا ۽ ماٺي سمنڊ جي خطي جي ڪيترائي ملڪ شديد موسمياتي اثرن جي لپيٽ ۾ آهن، ان ۾ موسمياتي لحاظ سان موزون بنيادي ڌانچي جي تعمير لاءِ 2023ع تائين ساليانو 1.7 ٽريلين ڊالر جي سيڙپڪاري جي ضرورت آهي.
