اسلام آباد – 02 آڪٽوبر (اي پي پي) وزيراعظم عمران خان چيو آهي ته راوي ريور فرنٽ اربن ڊولپمينٽ منصوبو لاهور شهر جي بحالي، وڌندڙ آبادي جي ضرورتن کي پورو ڪرڻ، پاڻي جي کوٽ کي ختم ڪرڻ ۽ لاهور سميت سڄي صوبي ۾ معاشي عمل کي تيز ڪرڻ جي حوالي سان اهم منصوبو آهي، ان منصوبي سان نوڪريون ۽ معاشي سرگرمين جا بي انتها موقعا پيدا ٿيندا، اهڙن خيالن جو اظهار هن پنهنجي صدارت هيٺ راوي ريور فرنٽ اربن ڊولپمينٽ پراجيڪٽ تي عملدرآمد ۾ هن وقت تائين جي اڳڀرائي جي حوالي سان جائزي اجلاس کي خطاب ڪندي ڪيو.
