اسلام آباد – 28 آڪٽوبر (اي پي پي) وزيراعظم جي ميڊيا معاملن بابت خصوصي معاون ڊاڪٽر مصدق ملڪ چيو آهي ته پاڪستان مسلم ليگ (ن) جي حڪومت پنهنجو آئيني مدو پورو ڪندي ۽ ايندڙ عام چونڊون 2018ع ۾ ٿينديون. هڪ نجي ٽي وي چينل سان ڳالهائيندي هن چيو ته سياسي پارٽين جي مقبوليت جو اندازو عام چونڊن ۾ ئي ٿيندو. هن چيو ته هڪ جمهوري نظام ۾ جيڪو وڌيڪ ووٽ کڻي ٿو اهو ئي کٽي ٿو ۽ عوام جي نمائندگي ڪري ٿو ۽ اهو ئي بهترين رستو آهي. خصوصي معاون جو چوڻ هو ته حڪومت تي تنقيد هر سياسي پارٽي جو حق آهي پر لفظن جو استعمال محتاط هجڻ گهرجي.
