اسلام آباد – 10 مارچ (اي پي پي) صدر مختلف شعبن ۾ نمايان ڪارناما سرانجام ڏيندڙ 127 پاڪستاني شهرين ۽ پرڏيهي شخصيتن کي سول ايوارڊز ڏيڻ جي منظوري ڏئي ڇڏي آهي. جنهن لاءِ پروقار تقريب 23 مارچ 2019ع تي پاڪستان جي ڏهاڙي جي موقعي تي ٿيندي. ڪيبنيٽ ڊويزن پاران جاري پڌرائي موجب صدر مختلف شعبن ۾ نمايان ڪارناما سرانجام ڏيندڙ جن پاڪستاني ۽ پرڏيهي شهرين کي سول ايوارڊز ڏيڻ جي منظوري ڏني آهي انهن ۾ مختلف شخصيتون شامل آهن. پڌرائي موجب عوامي خدمتن جي شعبي ۾ شعيب سلطان خان کي نشان امتياز سان نوازيو ويندو، جڏهن ته پاڪستان جي لاءِ خدمتن جي سلسلي ۾ ٽن پرڏيهي شهرين کي هلال پاڪستان سان نوازيو ويندو.
