اسلام آباد – 19 فيبروري (اي پي پي) صدر ڊاڪٽر عارف علوي پاڪستان ۾ 20 ارب ڊالر جي سيڙپڪاري پئڪيج ۽ مفاهمت جي دستاويزن تي صحيحن تي سعودي عرب جا ٿورا مڃيندي چيو آهي ته پاڪستان ۽ سعودي عرب جي وچ ۾ لاڳاپا ۽ دوستي دلي ۽ انمول آهن، سعودي عرب هڪ اهڙي وقت ۾ پاڪستان ۾ سيڙپڪاري جي لاءِ اڳتي وڌيو آهي جڏهن اسان کي سيڙپڪاري جي ضرورت آهي، صنعتي شعبي، گوادر ۾ ريفائنري پراجيڪٽ، معدنيات، سياحت، مصنوعي ذهانت سميت ڪيترن ئي شعبن ۾ جتي سعودي عرب سيڙپڪاري جي موقعن مان فائدو کڻي سگهي ٿو. صدر اهڙن خيالن جو اظهار سعودي عرب جي اخبار عرب نيوز کي خصوصي انٽرويو ڏيندي ڪيو.
