اسلام آباد – 04 فيبروري (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته پاڪستان تحريڪ انصاف جي حڪومت هڪ وڏي واعدي کي پورو ڪندي انصاف صحت ڪارڊ جاري ڪري ڇڏيو آهي، ان پروگرام جو بنيادي مقصد غريب ترين طبقن کي علاج جي لاءِ هڪ تحفظ فراهم ڪرڻ آهي، 20 فيبروري کان ان پروگرام جو دائرو پنجاب جي چئن ضلعن تائين وڌايو ويندو. هو هتي پريس انفارميشن ڊپارٽمينٽ (پي آءِ ڊي) ۾ قومي صحت جي خدمتن واري وفاقي وزير عامر محمود ڪياني سان گڏ پريس ڪانفرنس کي خطاب ڪري رهيو هو.
