اسلام آباد – 15 نومبر (اي پي پي) وزيراعظم عمران خان حضور ڪريم صه جي حيات طيبه ۽ اسوه حسنه تي حقيقي کوجنا ۽ انهن جي سيرت کي موثر انداز ۾ اجاگر ڪرڻ جي لاءِ ايڇ اي سي جي چيئرمين کي ملڪ جي ٽن وڏين يونيورسٽين ۾ سيرت چيئر قائم ڪرڻ جيل اءِ پلان جوڙڻ جي هدايت ڪئي آهي. هن اها هدايت هايئر ايجوڪيشن ڪميشن جي چيئرمين طارق بنوري کي وزيراعظم آفيس ۾ ملاقات دوران ڏني. وزيراعظم چيو ته سيرت چيئر قائم ڪرڻ جو مقصد حضور ڪريم صه جي حيات طيبه ۽ اسوه حسنه تي جينوئن ريسرچ ۽ انهن جي سيرت کي اجاگر ڪرڻ آهي ته جيئن نه رڳو پاڪستان پر سڄي دنيا ۾ رهندڙ مسلمان ان کوجنا ۽ علم جي خزاني مان فائدو کڻي سگهن.
