ڪراچي-28 آگسٽ (اي پي پي) سنڌ جي گورنر ڪامران خان ٽيسوري سان اسپيشل انٽرنيشنل ويٽ لفٽنگ چيمپئن ۽ گولڊ ميڊلسٽ مصطفيٰ علي گورنر هائوس ۾ خاص ملاقات ڪئي. گورنر هائوس جي ترجمان موجب ان موقعي تي گورنر سنڌ مصطفيٰ علي کي سندس شاندار ڪاميابي تي مبارڪباد ڏني ۽ کيس شيلڊ ۽ انعام پيش ڪيو. گورنر ڪامران خان ٽيسوري چيو ته اسپيشل رانديگر به پاڪستان کي سڄي دنيا ۾ مشهور ڪري رهيا آهن ۽ انهن جي مڪمل حوصلا افزائي جاري رهندي. هن وڌيڪ چيو ته راندين ۽ رانديگرن کي هٿي وٺرائڻ لاءِ هر ممڪن قدم کنيا ويندا ته جيئن نوجوانن کي مثبت سرگرمين ڏانهن راغب ڪري سگهجي.
