نيويارڪ – 28 آگسٽ (اي پي پي) آمريڪا ۾ مني ايپلس جي کيٿولک اسڪول جي گرجا گھر ۾ فائرنگ جي نتيجي ۾ 2 ٻار فوت ۽ 17 ڄڻا زخمي ٿي پيا آھن. پرڏيھي ميڊيا مطابق آمريڪي رياست مني سوٽا جي شھر مني ايپلس ۾ موجود ھڪ ڪيٿولڪ اسڪول ۾ صبح جو ٿيل فائرنگ جي واقعي ۾ 2 ٻار فوت ٿي ويا جڏھن ته 17 ماڻھو زخمي ٿي پيا آھن، حملو ڪندڙ گرجا گھر جي پٺيان پاڻ تي فائر ڪري آپگهات ڪري ڇڏيو. اختيارين حملو ڪندڙ جي سڃاڻپ 23 ورھين جي رابن ويسٽ مين طور ڪئي آھي. ڊائريڪٽر ڪاش پٽيل ٻڌايو ته فوت ٿيلن ۾ 8 ۽ 10 ورھين جي عمر جا ٻه ٻار شامل آھن، جڏھن ته 14 ٻار ۽ 3 بالغ ماڻھو زخمي ٿيا. مني ايپلس پوليس نيوز ڪانفرنس ۾ ٻڌايو ته حملو ڪندڙ صبح جو 8:30 وڳي اسڪول جي گرجا گھر جي درين جي ويجھو آيو ۽ اندر ويٺل ٻارن تي انڌا ڌند فائرنگ ڪري ڏني. ھن چيو ته حملو ڪندڙ جي قبضي مان ھڪ رائفل، ھڪ شاٽ گن ۽ ھڪ پستول ھٿ آيو.
